سلملي دماغك وهخليك أكبر غاوي بإذن الله ولو شايفها فلوس هتجيلك
 |
| سلملي دماغك وهخليك أكبر غاوي بإذن الله ولو شايفها فلوس هتجيلك |
♥ سلملي دماغك وهخليك أكبر غاوي بإذن الله ولو شايفها فلوس هتجيلك ♥ ♥ للمبتدئين فقط ♥
♥ الغواه الكبار فوق رأسي وكامل احترامي ليهم ولخبراتهم♥
☺الشرط لازم تكون عاشق للحمام والغوايه بتجري في دمك ☺
بسم الله نبدأ :-
1- عاوز تبدأ متلمش حمام وخلاص
2- انت مش محتاج كبدايه اكتر من عشره عيون 60*60 ارتفاع 40 ده اقل مساحه + 2مسطبه
3- كل قص محترم هتفرخه لازم يكون قصاده 3 قصوص تحضين شوف هتقدر تجيب كام قص للفرخ وهات قصاده 3 تحضين
4- هات قصوص عليها ريشتين عشان تضمن ان النتايه مش عطال او الدكر بيروق (اوعي تجيب قص شغال ) عشان ميتضحكش عليك
5- الكشكول اللي هتكتب فيه هوه المرجع بتاعك اوعي تعتمد علي الذاكره الكشكول هو كل حياتك تكتب فيه كل صفحه فيها قص واحد ونوعه وترقم كل صفحه من 1 الي ..... شوف عندك كام قص
6- الكلفه تجيبها بالشهر وقبل الشهر ميخلص ب3 ايام تجيب غيرها مقاديرها وهي وجهات نظر ولاكن الافضل من وجه نظري (10فول صغير+10 ذره صفره صغيره+10ذره عويجه كبيره+4 بسله+4 قمح)
7- الصيدليه لازم يكون فيها
اولا : الفيتامينات والكالسيوم والاملاح المعدنيه
☻ d3f أواي نوع كالسيوم بشري ربع قرص يوم ويوم للكل
☻ فيتامونت سائل بشري 1سم علي 1 لتر علي عطش يوم في الاسبوع
☻اميولانت سائل بشري 1 سم علي 1 لتر علي عطش يوم في الاسبوع
☻ad3e سائل بيطري 1سم علي 1 لتر علي عطش يوم في الاسبوع
☻اجريفيت سائل بيطري 1سم علي 1 لتر علي عطش يوم في الاسبوع
☻هـ سلينيوم سائل بيطري 1سم علي 1 لتر علي عطش يوم في الاسبوع
ثانيا : علاجات كل المشاكل
☻ ديجستين بشري للزغاليل اللي مبتهضمش ربع قرص
☻ كولي بريم الساحر لاكثر من مرض بيطري نصف سم علي 2لتر مياه عند الحاجه (اي اسهال مشعارف سببه)
☻فلوموكس 250 /اوكسي تترا سيكلين اقراص للبرد
☻امريزول مطهر معوي بشري سائل 1سم علي 1 لتر علي عطش او ربع قرص
☻انتوسيد بشري للاسهال نصف قرص
☻البندازول للديدان 1سم بالسرنجه في بق الفرد ويكرر بعد 15 يوم
☻امبول جارمايسين + ديكساميثازون يخلط عند الحاجه ويوضع في الثلاجه للعين والتنفسي
هذه احتياجات الصيدليه الاساسيه ولاكن هناك المزيد بالنسبه للعلاجات عند الحاجه وطرق علاج وادويه مختلف هيطول شرحها
وبكده انت جاهز بفضل الله واقدر اكلمك علي الفرخ والتحضين باختصار
1- اول لما الدكره تجهز في الببان والنتي تجهز في المسطبه ويرموالصمه وينعمو من عند الشوكتين هتنزل نتايه قص الفرخ مع نتايه قص التحضين في نفس الوقت هيحصو بعد عشره ايام الحصوايتين طبعا لما يحصو الاولي هترفعها علي جمب وتحط بلاستيك مكانها ولما يحصو الثانيه تشيل البلاستيك وتحط حصي قص الفرخ تحت قص التحضين واقصي مده للتبادل يومان
2- عند تحصيه قص الفرخ ثاني حصوايه تنزل ثاني نتايه تحضين للدكر بتاعها في بابه عشان يحصو مع قص الفرخ وهكزا بدل الحصي وعند تحصيه قص الفرخ ثاني حصوايه تنزل ثالث نتايه من المسطبه لثالث دكر التحضين وعند تحصيه قص الفرخ رابع عش هيكون اول قص تحضين حصي في نفس الوقت وهكذا بس كده انت بتحلب نتايه الفرخ يستحسن يحصي عشين وتعزل النتايه في المسطبه وتحط نتايه ثانيه لقص الفرخ
3- جمع الزغاليل في مسطبه اخري وابتدي بيعها عمر 45 يوم هتكون اتفطمت وقربت تكتم وهات كلفتك ياسيدي واملي صيدليتك تاني بالحجات اللي نقصت فيها وهكذا
4- اذا كان قص الفرخ مستوي متوسط ويستاهل انك تشبب الزغاليل وتفرزها وهما عليهم ثلاثه ريشات وتخلي الفلتات والحجات الممتازه ليك وتردها ياعني تجوزها للاهالي وتطلع المستوي الضعيف يبقا انت كده ابتديت تبقي غاوي وبتحسن في مستواك
5- لغايه متقف علي رجليك ابدأ اقفل علي نفسك موسم كامل وطلع كل زياداتك واحتفظ بكام قص اللي انت اعتمدت عليهم في الفرخ واشتري قص شباب مستوي قوي وهكذا اقفل علي نفسك موسم أخر وهكذا
6- يستحسن ان تمسك باب واحد ياعني نوع واحد من الحمام وتركذ فيه وتعمل سمعه طيبه بين الغواه
♥ النصيحه الواجب الالتزام بها للنجاح وحفر اسمك بشرف بين اكبر الغواه ♥
1- الامانه والشرف ومرعاه الله في كل تعاملاتك
2- اوعي تطلع زياداتك وتبيع حمامك وبه مرض ادبحه وربنا هيباركلك في الباقي
3- اوعي تبيع حاجه معيوبه ومتقولش للمشتري عيبها
4- بيع بسعر منخفض للمبتدئين وساعد غيرك وافتكر انك كونت مكانه في يوم من الايام وناس ساعدتك
5- اوعي تعمل عداءات ومشاكل وتغلط في حد مهما حصل
6- اكسب اكبر قدر ممكن من الغواه المحترمين والاصدقاء
7- اوعي تبني نفسك بفلوس حرام وتفرح بعشره جنيه او ميه او الف زياده من الغش والنصب في يوم من الايام ستصبح غاوي كبير وتمتلك قصوص بعشرات الالاف هتعمل ايه ساعتها وكل ده اتبني من حرام وفرحت بمبالغ تافهه في الاول (لو حبيت تتوب مش هتعرف ترجع ده لو ربنا سابك في حالك ممكن تتسرق ممكن مرض يقضي علي كل نجاحك ممكن تيجي فيك وفي اولادك لاقدر الله يارب احفظنا جميعا وابعدنا عن الحرام )
8- انت مش اقوي من حسبي الله ونعم الوكيل اتقالتلك من حد ضحكت عليه
9- هدفك ميبقاش فلوس الفلوس وسيله بتوصلك لاعلي مستوي ممكن من الحمامه اللي بتحبها
☺ وأخيرا وليس بأخر مش هتقدر تعمل كل اللي قولتلك عليه ده وتنجح إلا بانك لازم تكون بتعشق الحمام والغوايه بتجري في دمك ☺
سلملي دماغك وهخليك أكبر غاوي بإذن الله ولو شايفها فلوس هتجيلك
♥يارب تكون وثقت فيا ♥
♥يارب اكون وصلت لقلوبكم واستحوزت علي حبكم اخواتي وحبايبي في الله ♥
♥خبره سنوات في كلمات لعيونكم اخواتي ♥
♥♥☺من أجلكم يكتب قلمي☺♥♥
♥♥☺متابعه للمدونه وإقرا المنشورات سوف تجد أكثر مما تحتاج ☺♥♥
♥♥☺أسألكم الدعاء☺♥♥ ♥♥☺أخوكم مهند☺♥♥
https://mohanad-birds.blogspot.com/
https://www.facebook.com/groups/379326175758270/?ref=bookmarks
بالتوفيق والنجاح لكل غاوي طموح عاشق للحمام
ردحذف