الغاوي رئيس جمهوريه الغيه
 |
| الغاوي رئيس جمهوريه الغيه |
♥ الغاوي رئيس جمهوريه الغيه ♥
♥أنت الملك والغيه مملكتك والملك لله وحده ♥
☺وحضرتك في شغلك او مع صديق او في مكان بعيد عن سلاكتك لازم تكون حاسس انك الرئيس أوالملك والمسؤل الاول والوحيد عن مملكتك ☺
☺تخيل كده معايا ☺
1- لازم تفكر في احوال رعاياك (قصوصك) ياملك وانت حتي بعيد عنهم
2- ولو انت معاهم اتمشي في مملكتك وخبط علي عين عين وافتح الباب وشوف ساكن العين القص بتاعك محتاج ايه ☺يغير مسقه يغير طاجن يغير مكلف تالفين او يغير المياه او شويه تحديق في مكلف التحديق او تكحيت ارضيه وشوف عياله حد عاوز سرنجه مياه بليل حد عاوز كام حبه فول عشان مكلش كويس زغلول مهضمش محتاج ربع دايجستين زغلول مشقوف عاوز ربع قرص خميره فرد تعبان عاوز عزل وعلاج ومش عارف يتكلم ويقولك بيشتكي من ايه ☺
3- وحضرتك بتتمشي في مملكتك ومعاك النائب بتاعك او رئيس الوزراء (☺الكشكول المدون به كل عين والقص اللي في كل عين ونوعه وبياناته وتاريخ الحصي وعمر الزغلول وكل ده☺) الكشكول ايدك ورجلك شوف الزغلولين اللي اتمو 40 يوم افطمهم وحطهم في المسطبه بتاعه الزغاليل شوف الزغاليل اللي تمت عمر البيع واعرضها شوف الشباب في عيون التشبيب بقو عليهم كام ريشه شوف النتي اللي في المسطبه رمو الصمه ولا لسه ومكلف التحديق بتاعهم خلص ولا لسه
4- شوف زياداتك اللي ممكن تخرجها واعمل جرد واعرضها
5- شوف العرايس اللي في المسطبه اللي رمو الصمه وجهزه ويكون مستواهم عالي وطالبين الجواز وحطهم بدل النتي زات المستوي الاقل
6- شوف الطفرات اللي عندك من الشباب وعلم عليهم عشان تعتمد عليهم بدل اهاليهم لما يجهزو
7- ومتنساش وانت بتتفقد احوال رعاياك يا ملك عدي علي الصيدليه بتاعتك وشوف ناقصها ايه الكالسيوم تمام ولا زجاجه الاملاح هتخلص ولا الفيتامينات قربت تخلص واكتب النواقص عشان تجيبها
8- ومخزن الكلفه عدي عليه شوف فيه كلفه تكفي كام يوم لو فاضل 4 ايام ابعت هات كلفه شهر بسرعه
9- واهم حاجه اتنازل يوم في الاسبوع عن دور الملك وهين نفسك شويه ونظف المملكه وكحت العيون واغسل المسق وطهر المملكه كلها
بعد كل ده شوف رعاياك هيبقو مبسوطين وسعداء وهيدوك اغلي حاجه عندهم واعلي زغاليل وخدمه عيشهم في الجنه وكل متديهم اكتر هيدوك اكتر واكتر
♥☺لازم تكون ملك عادل وكريم وسخي وبتراعي ضميرك☺♥
الغاوي رئيس جمهوريه الغيه
♥يارب تكون وثقت فيا ♥
♥يارب اكون وصلت لقلوبكم واستحوزت علي حبكم اخواتي وحبايبي في الله ♥
♥خبره سنوات في كلمات لعيونكم اخواتي ♥
♥♥☺من أجلكم يكتب قلمي☺♥♥
♥☺اضغط متابعه للمدونه من هنا وإقرا المنشورات سوف تجد أكثر مما تحتاج ☺♥
♥♥☺أسألكم الدعاء☺♥♥
♥♥☺أخوكم مهند☺♥♥
https://mohanad-birds.blogspot.com/
https://www.facebook.com/groups/379326175758270/?ref=bookmarks
